Veterinariya va chorvachilikni rivojlantirish davlat qo‘mitasi raisi Bahromjon Norqobilov boshchiligidagi O‘zbekiston delegatsiyasi 25—31-may kunlari Parijda o‘tkazilayotgan Butunjahon hayvonlar sog‘lig‘ini himoya qilish tashkilotining 87-Bosh sessiyasida ishtirok etmoqda. Bu haqda Tashqi ishlar vazirligi matbuot xizmati xabar berdi.
Fransiyada bo‘lib turgan O‘zbekiston delegatsiyasi Xalqaro tashkilotning bosh direktori Monika Elua, Sommet de L’Elevage xalqaro chorvachilik sammiti vakillari, chorvachilikni rivojlantirish masalalari bo‘yicha fransuz kompaniyalari va boshqa ko‘plab tashkilotlar bilan muzokaralar o‘tkazishni rejalashtirgan. Shuningdek, Rossiya, Qozog‘iston va Qirg‘iziston veterinariya xizmatlari delegatsiyalari bilan to‘rt tomonlama uchrashuv, Yevropa mintaqaviy komissiyasi yig‘ilishlarida va OIE standartlariga muvofiqlik bo‘yicha majlislarida qatnashadi.
O‘zbekistonning Fransiyadagi elchixonasining ma’lumotlariga ko‘ra, 87-Bosh sessiya doirasida “O‘zbekiston kuni” ham nishonlanib, unda dunyoning 181 mamlakatidan kelgan delegatlar ishtirok etadi.
Izoh (0)