30-aprelning e’tiborga molik yangiliklari — “Daryo” dayjestida.
Shavkat Mirziyoyev 30-aprel kuni tashrif bilan Surxondaryo viloyatida bo‘ldi.
Prezident Sariosiyo tumanidagi To‘polang gidroelektr stansiyasini borib ko‘rdi.
Shundan keyin Sariosiyo tumanidagi Sharg‘un ko‘mir konida olib borilayotgan ishlar bilan tanishdi.
So‘ng Boysun tumanidagi “Mustaqillikning 25 yilligi” gaz konida yangi gaz-kimyo kompleksini barpo etish loyihasi doirasida amalga oshirilayotgan ishlar va kelgusida erishiladigan natijalar haqidagi taqdimot namoyish etildi.
Shuningdek, davlat rahbari Boysun tumaniga tashrifi chog‘ida keksa avlod vakillari, tuman faxriylari bilan uchrashuv o‘tkazdi.
Bundan tashqari, Prezident Shavkat Mirziyoyev Muzrabot tumanidagi “Yangiobod invest servis” xususiy korxonasi faoliyati bilan tanishdi.
***
28-aprel kuni Tula viloyatining Uzlovaya shahridagi “Pyaterochka” supermarketida rossiyalik 34 yoshli Andrey.K. 33 yoshli Umida ismli kassir ayolga hujum qilib, pichoq bilan 20 ga yaqin jarohat yetkazgan. Ayol kasalxonada hayotdan ko‘z yumgan.
Ushbu holat yuzasidan Bandlik va mehnat munosabatlari vazirligi va Tashqi ishlar vazirligi rasmiy ma’lumotlarini berdi.
***
Zangiotadagi qamoqxona xodimi xizmat xonasida o‘zini osdi.
Toshkent viloyati IIB Jazoni ijro etish boshqarmasi tasarrufidagi 42-sonli manzil koloniya tartibot bo‘linmasi tezkor vakili 27 yoshli A.A.ning jasadi xizmat kiyimining charm kamariga osilgan holda 28-aprel kuni soat 9:30 da topilgan.
***
IIV tizimida 7 nafar yangi rahbar tayinlandi.
Xususan, Qoraqalpog‘iston Respublikasining bir qator tumanlari Ichki ishlar bo‘limi boshliqlari, Samarqand viloyati Bulung‘ur tumani, Andijon viloyati Oltinko‘l va Andijon tumanlari Ichki ishlar bo‘limi boshliqlari tayinlandi.
***
O‘ldirilgani aytilgan IShID yetakchisi Al-Bag‘dodiy 5 yil mobaynida ilk bor ko‘rinish berdi.
Videoda Al-Bag‘dodiy safdoshlari bilan Suriyaning Baguz shahri uchun kechgan janglarni muhokama qilayotgani tasvirlangan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)