Shri-Lankadagi portlashlardan so‘ng qidirilayotgan ikki asosiy gumonlanuvchi qo‘lga olindi

Shri-Lankadagi portlashlardan so‘ng qidirilayotgan ikki asosiy gumonlanuvchi qo‘lga olindi. Bu haqda mahalliy politsiyaga tayanib, Ada Derana xabar bermoqda.

Portalga ko‘ra, qo‘lga olinganlar aka-uka Muhammad Sodiq Abdul Haq va Muhammad Sohid Abdul Haq bo‘lib, ular Gampola shahridagi qarindoshining poyabzal do‘konida yashirinib yurgan.

Shuningdek, aka-ukalar shaharga kelgan furgon va ular yashiringan do‘kon egalari ham qo‘lga olingan.