22-aprel kuni Qashqadaryo viloyatining G‘uzor tumanida ichki ishlar organlari xodimlari odam savdosi bilan bog‘liq jinoyatni fosh etdi, deb xabar berdi IIV Jamoatchilik va OAV bilan aloqalar boshqarmasi.
“Jarariq” mahallasida yashovchi, muqaddam sudlangan X.U. 17-mart kuni tug‘ilgan o‘g‘lini fuqaro N.N. ismli ayolga to‘rt million so‘mga sotishga kelishadi. Ayol pulning bir million so‘mini Xo‘jaguzar mahallasida olayotgan vaqtida ichki ishlar organlari xodimlari tomonidan qo‘lga olindi.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, 2-aprel kuni Surxondaryoda ikki kunlik chaqalog‘ini ikki ming dollarga, 5-aprel kuni Farg‘onada 5 kunlik chaqaloqni 500 dollarga, 18-aprel kuni Shahrisabzda 10 kunlik chaqalog‘ini 10 million so‘mga sotishga uringan ayollar qo‘lga olingani haqida xabar berilgan edi.
Izoh (0)