17-aprelning e’tiborga molik yangiliklari — “Daryo” dayjestida.
O‘zbekistonda “Humo” kartalarini chiqarish joriy yil 1-maydan boshlanadi.
Hozirda sinov tartibida Markaziy bank va tijorat banklari xodimlari uchun bir nechta karta chiqarildi.
Ulardan aprel oyi oxiri, may oyi boshlaridan boshlab foydalanish mumkin bo‘ladi.
***
O‘zbekiston valyuta zaxiralari yil boshidan buyon ilk bor kamaydi.
O‘tgan oyda mamlakatning oltin zaxiralari 400 million dollarga kamaygan.
1-aprel kuni mamlakatning valyuta zahiralari 26,9 milliard dollarni tashkil etgan. Ularning 14,4 milliard dollari monetar oltindir.
***
Peruning sobiq prezidenti vafot etdi.
U korrupsiyada ayblangani uchun politsiya uni hibsga olmoqchi bo‘lgan. Ammo sobiq prezident aybini tan olmagan.
Alan Garsiyaning uyiga politsiya borganida u o‘z joniga qasd qilishga urinib, komaga tushib qolgan edi.
***
Davlat boshqaruvi akademiyasi xodimlari ham Toshkentda doimiy propiska qilinishi mumkin bo‘ldi.
Hukumat qarori (317-son, 16.04.2019-y.) bilan Prezident huzuridagi Davlat boshqaruvi akademiyasi rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat organlari va boshqa davlat tashkilotlari ro‘yxatiga kiritildi.
***
O‘zbekistonda 2023-yildan boshlab elektr energiyasi uchun narxlar kamida 3 yil o‘zgarmaydi.
Hukumat qarori bilan 2030-yilgacha bo‘lgan davrda O‘zbekiston Respublikasi elektr energiya tarmog‘idagi tarif siyosatining asosiy yo‘nalishlari tasdiqlandi.
2023-yilgacha tariflarni shakllantirish metodikasiga bosqichma-bosqich o‘tiladi. 2023-yildan boshlab elektr energiyasi uchun tariflar kamida 3 yil muddatga amal qiladi.
Izoh (0)