Qarshi xalqaro aeroportidan “Qarshi—Moskva” yo‘nalishi bo‘yicha uchib ketmoqchi bo‘lgan fuqaro Yo.R. ga tegishli qo‘l yuklari rentgen apparati yordamida belgilangan tartibda bojxona nazoratidan o‘tkazildi. Natijada, bojxona xodimlarining og‘zaki so‘rovida ma’lum qilinmagan, qadimiyligi 50 yildan oshgan jami 36 dona tangalarning noqonuniy ravishda O‘zbekistondan olib chiqilishi holati aniqlandi. Bu haqda Davlat bojxona qo‘mitasi xabar bermoqda.
Hozirda mazkur holat yuzasidan bojxona tekshiruvlari olib borilmoqda.
Ta’kidlanishicha, amaldagi tartiblarga ko‘ra, davlat tomonidan muhofaza ro‘yxatlari va reyestrlariga kiritilgan, davlat va jamoat muzeylarida, arxivlarida, kutubxonalarida va boshqa saqlash joylarida doimiy saqlanayotgan, shuningdek, ellik yil muqaddam va undan ham oldinroq yaratilgan madaniy boyliklarning O‘zbekiston Respublikasidan olib chiqilishi taqiqlanadi.
Izoh (0)