Toshkent temir yo‘l muhandislari institutida “O‘zbekiston temir yo‘llari” AJning 60 dan ortiq ishlab chiqarish subyekti, “Olmaliq kon-metallurgiya kombinati” AJ, “Navoiy kon-metullurgiya kombinati” DK kabi yirik ishlab chiqaruvchilar va boshqa tashkilot vakillari ishtirokida uchrashuv bo‘lib o‘tdi. Bu haqda Oliy va o‘rta maxsus ta’lim vazirligi ma’lum qildi.
Uchrashuvda ish beruvchi tashkilot vakillari institutni joriy yilda bitiruvchi 1093 nafar bakalavr va magistri bilan individual suhbatlashdi.
Bitiruvchilarni ishga taqsimlash jarayonida institut tomonidan ulardan qayerda ishlashni xohlashi to‘g‘risidagi olingan so‘rovnoma asos qilib olindi.
Suhbat jarayonida ish beruvchi talabalarni taklif qilinayotgan ish joyi, mehnat va maishiy sharoitlari, lavozimi, ish haqi to‘g‘risidagi ma’lumotlar hamda mutaxassisga qo‘yiladigan asosiy kasbiy talablar bilan tanishtirdi.
Ish beruvchilar o‘ziga munosib kadrni tanlaganda, taklif etilayotgan sharoitlar talabani ham qanoatlantirsa, ikki tomonning tashabbusi bilan shu yerning o‘zida mehnat shartnomasi imzolandi.
Izoh (0)