Тошкент темир йўл муҳандислари институтида «Ўзбекистон темир йўллари» АЖнинг 60 дан ортиқ ишлаб чиқариш субъeкти, «Олмалиқ кон-металлургия комбинати» АЖ, «Навоий кон-метуллургия комбинати» ДК каби йирик ишлаб чиқарувчилар ва бошқа ташкилот вакиллари иштирокида учрашув бўлиб ўтди. Бу ҳақда Олий ва ўрта махсус таълим вазирлиги маълум қилди.
Учрашувда иш берувчи ташкилот вакиллари институтни жорий йилда битирувчи 1093 нафар бакалавр ва магистри билан индивидуал суҳбатлашди.
Битирувчиларни ишга тақсимлаш жараёнида институт томонидан улардан қаерда ишлашни хоҳлаши тўғрисидаги олинган сўровнома асос қилиб олинди.
Суҳбат жараёнида иш берувчи талабаларни таклиф қилинаётган иш жойи, меҳнат ва маиший шароитлари, лавозими, иш ҳақи тўғрисидаги маълумотлар ҳамда мутахассисга қўйиладиган асосий касбий талаблар билан таништирди.
Иш берувчилар ўзига муносиб кадрни танлаганда, таклиф этилаётган шароитлар талабани ҳам қаноатлантирса, икки томоннинг ташаббуси билан шу ернинг ўзида меҳнат шартномаси имзоланди.
Изоҳ (0)