Raximova Gulnora Xoshimovna O‘zbekiston Respublikasi Moliya vazirligi G‘aznachiligining Davlat xaridlarini boshqarish va monitoring boshqarmasi boshlig‘i lavozimiga tayinlandi. Bu haqda Moliya vazirligining Facebook’dagi sahifasi xabar berdi.
Raximova 1975-yil Toshkent shahrida tug‘ilgan. Millati o‘zbek. Ma’lumoti oliy. 1995-yil Toshkent davlat iqtisodiyot universitetining iqtisodchi mutaxassisligini tamomlagan.
Mehnat faoliyatini 1995-yilda O‘zbekiston milliy universitetining O‘quv bo‘limi mutaxassisi lavozimidan boshlagan. 2002—2014-yillarda Mirzo Ulug‘bek nomidagi O‘zbekiston Milliy universitetining Iqtisodiyot fakulteti “Menejment” kafedrasi katta o‘qituvchisi, “Mintaqaviy iqtisodiyot va menejment” kafedrasi stajyor-tadqiqotchisi, katta ilmiy xodimi bo‘lib ishlagan.
2014-yildan boshlab G. Raximova Moliya vazirligi huzuridagi moliya organlari hamda budjet tashkilotlarining moliya-hisob bo‘linmalari xodimlarini tayyorlash va qayta tayyorlash O‘quv markazining “Davlat budjetining g‘azna ijrosi” kaferdrasida katta o‘qituvchi, kafedra mudiri lavozimlarida samarali faoliyat yuritgan.
Izoh (0)