Рахимова Гулнора Хошимовна Ўзбекистон Республикаси Молия вазирлиги Ғазначилигининг Давлат харидларини бошқариш ва мониторинг бошқармаси бошлиғи лавозимига тайинланди. Бу ҳақда Молия вазирлигининг Facebook’даги саҳифаси хабар берди.
Рахимова 1975 йил Тошкент шаҳрида туғилган. Миллати ўзбек. Маълумоти олий. 1995 йил Тошкент давлат иқтисодиёт университетининг иқтисодчи мутахассислигини тамомлаган.
Меҳнат фаолиятини 1995 йилда Ўзбекистон миллий университетининг Ўқув бўлими мутахассиси лавозимидан бошлаган. 2002—2014 йилларда Мирзо Улуғбек номидаги Ўзбекистон Миллий университетининг Иқтисодиёт факультети «Менежмент» кафедраси катта ўқитувчиси, «Минтақавий иқтисодиёт ва менежмент» кафедраси стажёр-тадқиқотчиси, катта илмий ходими бўлиб ишлаган.
2014 йилдан бошлаб Г. Рахимова Молия вазирлиги ҳузуридаги молия органлари ҳамда бюджет ташкилотларининг молия-ҳисоб бўлинмалари ходимларини тайёрлаш ва қайта тайёрлаш Ўқув марказининг «Давлат бюджетининг ғазна ижроси» кафердрасида катта ўқитувчи, кафедра мудири лавозимларида самарали фаолият юритган.
Изоҳ (0)