Tokioda moliyaviy firibgarlikda gumon qilingan Gonning navbatdagi hibsga olinishidan bir necha kun o‘tgach, aksiyadorlarning navbatdan tashqari yig‘ilishi bo‘lib o‘tdi, deya xabar beradi “RBK”.
Uning ishtirokchilari boshqaruv kengashidan nafaqat sobiq boshliq, balki janjalga aralashgan Greg Kellini ham chiqarish uchun ovoz bergan.
Bundan tashqari Nissan Motor kompaniyasining ijrochi direktori Xiroto Saikavaning aytishicha, kompaniya Gondan moliyaviy zararni undirishni talab qilmoqchi. Shu bilan birga, u janjal oqibatlarini bartaraf etish uchun biroz vaqt kerakligini tan olgan. “Qisqa vaqt ichida hamma narsani hal qilishning imkoni yo‘q. Boshqaruvni takomillashtirish, kompaniyani rivojlantirishning keyingi bosqichiga tayyorlash, keyin esa boshqaruvni kimgadir topshirish kerak”, — deydi u.
Gon 80 million dollar daromadni yashirishda ayblanmoqda. Prokurorning so‘zlariga ko‘ra, Gon shuningdek, Nissanga o‘zining 16 million dollar miqdoridagi shaxsiy yo‘qotishlarini ham yuklagan, kompaniya noqonuniy ravishda Nissan-Mitsubishi BV qo‘shma korxonasidan ish haqi shartnomasi doirasida 7,8 million dollar olgan.
O‘tgan haftada Gonga Yaponiya kompaniyasining mablag‘larini shaxsiy ehtiyojiga ishlatganligi aybnomasi qo‘yilgan edi.
Izoh (0)