Andijon viloyati Shahrixon tumanida 7-aprel – Xalqaro salomatlik kuni munosabati bilan hududdagi umumiy o‘rta ta’lim maktablari o‘qituvchilari ishtirokida velomarafon o‘tkazildi. Bu haqda “Daryo” muxbiri xabar bermoqda.
Bilim dargohlarida mehnat qilayotgan o‘qituvchilar o‘rtasida sog‘lom turmush tarzini qaror toptirish, ularning velosport turiga qiziqishini oshirish va ommaviyligini ta’minlash, velosipedga oshno tutinganlar safini yanada kengaytirish maqsadida tashkil etilgan tadbirda 300 nafardan ziyod havaskor velosipedchilar qatnashdi.
Ayollar o‘rtasida 11-umumiy o‘rta ta’lim maktabining tarix fani o‘qituvchisi Dilnozaxon Mo‘minova marra chizig‘iga birinchi bo‘lib yetib keldi. Erkak o‘qituvchilardan esa Fazliddin Sharipov, Boburjon Mamajonov va Ravshanbek Yo‘ldoshevlar g‘olib bo‘ldi.
G‘olib va faol ishtirokchilarga tashkilotchilar tomonidan faxriy yorliq hamda esdalik sovg‘alari tuhfa etildi.
Izoh (0)