Farg‘onalik Holiq Rahimovning Telegram ijtimoiy tarmog‘i orqali tarqatilgan Prezidentga yo‘llagan murojaatida shahar markazidagi “Dehqon bozori”da savdo yurituvchi 50 nafar qassob qabristondan odam go‘shtini olib kelib, sotish bilan shug‘ullanayotganligi ma’lum qilingan.
Bosh prokuratura matbuot xizmatining “Daryo”ga ma’lum qilishicha, mazkur holat yuzasidan o‘tkazilgan tekshiruvda H. Rahimov Farg‘ona shahri, Sohil ko‘chasi, 237-uyda yolg‘iz o‘zi yashashi, ruhiy jihatdan muomalaga layoqatsizligi, ruhiy kasalliklar shifoxonasida doimiy ro‘yxatda turishi, bir necha marotaba yo‘llagan shunday mazmundagi murojaatlari o‘z tasdig‘ini topmay, asossiz va yolg‘on bo‘lib chiqqanligi aniqlangan.
Farg‘ona viloyat ruhiy-asab kasalliklari dispanseri ma’lumotnomasiga ko‘ra, 1940-yilda tug‘ilgan H. Rahimov 1985-yildan buyon dispanser nazoratida turadi.
Shuningdek, holat yuzasidan Farg‘ona shahridagi “Soybo‘yi” MFY raisi va MFYda yashovchi fuqarolar bilan suhbatlashilganda H. Rahimov doimo norozi kayfiyatda yurishi, farzandlari bilan ham munosabatlari yaxshi emasligi, u bilan suhbatlashishning imkoni yo‘qligi, ruhiy jihatdan nosog‘lomligi ma’lum bo‘ldi.
Izoh (0)