31-mart kuni “Daryo” huquqshunos Xushnudbek Xudayberdiyevga tayanib, “O‘zbekistonda xorijdagi diplomlarni nostrifikatsiya qilish endi yana ham osonlashdi” sarlavhali xabar e’lon qilgan edi. Muallif ushbu xabar yuzasidan ba’zi tuzatishlarni ma’lum qildi.
“O‘sha postning 2 ta joyida “nostrifikatsiya” so‘zi noto‘g‘ri ketib qolibdi. Chunki unda bayon qilingan o‘zgarish, faqat tan olishga taalluqli, nostrifikatsiyaga emas. Ha, bularning bir-biridan farqi bor.
Xorijiy davlatlarda ta’lim olganlik to‘g‘risidagi hujjatlarni tan olish deganda vakolatli davlat organlarining O‘zbekiston butun hududida ushbu hujjatlarning qonuniy kuchga ega ekanligiga roziligi tushuniladi.
Nostrifikatsiyalash (ekvivalentligini qayd etish) deganda esa vakolatli davlat organlari tomonidan ushbu hujjatlar egalari tayyorgarligi darajasi muvofiqligini belgilash va ularga O‘zbekiston Respublikasining ta’lim to‘g‘risidagi hujjatlariga ega bo‘lgan shaxslarga berilgani kabi akademik va (yoki) kasbiy huquqlar berilishi tushuniladi.
Nizomning 18-bandiga binoan, ma’lumot O‘zbekiston qonunchiligida ko‘zda tutilmagan ta’lim shaklida olingan bo‘lsa, nostrifikatsiya, ya’ni hujjatlarning ekvivalentligi to‘g‘risidagi salbiy xulosa qabul qilinadi (rad qilinadi).
Ushbu band haliyam o‘z kuchida turibdi”, — deyiladi xabarda.
Izoh (0)