Qozog‘istonning birinchi xonimi yo‘q. Prezident To‘qayev ajrashgan

Qozog‘iston prezidenti saytida mamlakatning yangi rahbari tarjimai holi joylashtirildi.

Unda Qosim-Jomart To‘qayevning ota-onasi, ma’lumoti, oilasi va qiziqishlari haqida ma’lumotlar yozilgan.

Prezidentning otasi Kamol To‘qayev ikkinchi jahon urushi qatnashchisi, taniqli yozuvchi, qozoq adabiyotida detektiv-sarguzasht yo‘nalishi asoschisi. Onasi Turar Shabarbayeva Olmaota xorijiy tillar pedagogika institutida ishlagan. Ularning ikkisi ham vafot etgan.

Qosim-Jomart To‘qayev xalqaro munosabatlar muammolari bo‘yicha 10 ta kitob muallifi, sog‘lom turmush tarzi tarafdori hisoblanadi. Badiiy, siyosiy, memuar adabiyotlarni o‘qish bilan qiziqadi.

Qosim-Jomart To‘qayev turmushidan ajrashgan. Uning Timur ismli o‘g‘li bor.

Ayrim ma’lumotlarga ko‘ra, Qozog‘iston prezidentining sobiq rafiqasi Nadejda To‘qayeva ayni paytda Moskvada istiqomat qiladi.