Germaniyaning Deutsche Telekom konserniga qarashli Avstriyaning T-Mobile kompaniyasi Yevropada birinchi bo‘lib 5G — beshinchi avlod mobil aloqa tarmog‘idan tijoriy foydalanishni yo‘lga qo’ydi. Beshinchi avlod aloqa tarmog‘i hozircha 17 ta qishloq hududini qamrab oldi. 5G texnologiyasi 2025-yilgacha mamlakatning barcha foydalanuvchilariga tarqatiladi. Bu haqda 29-mart, juma kuni “Korrespondent.net” xabar beradi.
Ta‘kidlanishicha, kompaniyaning asosan Avstriya qishloq joylarida yashovchi 200 abonenti yangi avlod aloqa tarmog‘ining eksklyuziv foydalanuvchilariga aylandi. Ular 100 Mbit/s dan ortiq tezlikda internetda ishlash imkoniga ega bo‘ldi.
Rasmiylarining rejasiga ko‘ra, Avstriyada barcha internet foydalanuvchilari 2025-yilgacha 5G texnologiyasi tarmog‘i bilan ta’minlanadi.
Mart oyi boshlarida, Avstriya 5G — beshinchi avlod mobil aloqa tarmog‘i chastotasini auksion orqali yutib olib, Yevropada birinchi bo‘lib telekommunikatsiyaning yangi standartini joriy etishga muvaffaq bo‘ldi.
Izoh (0)