Rossiyaning Krasnodar o‘lkasi prokuraturasi va viloyat sog‘liqni saqlash vazirligi Novorossiyskdagi kasalxona shifokorlari tomonidan jarohatni parvarish qilish uchun tibbiyot yopishqoq lentasini qo‘llash o‘rniga, skotch yopishtirgani haqida ma‘lumot berdi, deb yozadi “RIA Novosti”.
Avvalroq, “Novorossiysk bloknoti”da Novorossiysk shahrida istiqomat qiluvchi nogiron 1-shahar shifoxonasida davolanganligidan shikoyat qilgan. Unga u yerda yog‘li shishni olib tashlash uchun kichik operatsiya o‘tkazilgan. Operatsiyadan qolgan chuqur yara tikilmasdan, faqat bir nechta bo‘lak skotch bilan yopishtirilgan.
Bu haqda bemor uyiga qaytib kelib bog‘ichni almashtirish vaqti kelgan paytida bilib qolgan. U, shuningdek, jarrohlik amaliyoti tugaganidan so‘ng darhol kasalxonadan o‘z xohishiga binoan chiqib ketgan, chunki u yer unga boshqa chidab bo‘lmaydigandek tuyilgan. Operatsiya qilinganidan so‘ng tibbiy xodim unga e’tibor bermagan, u yotgan karavot shu zahoti sinib ketgan va u yerda nogironlar uchun hech qanday sharoitlar bo‘lmagan. Shifoxonaning o‘zi nashriyotga barcha tibbiy amaliyotlar tibbiy yordam standartlariga muvofiq ravishda amalga oshirilishini va klinika panduslar, liftlar va standartlarga mos karavotlar va matraslar bilan jihozlanganligi haqida aytgan.
Izoh (0)