Toshkent shahrida 28—29-mart kuni o‘tkazilgan MDH — ishtirokchi davlatlarining Xalqaro moliya-bank forumi doirasida “Ingosstrax” va “INGO-Uzbekistan” sug‘urta sohasidagi Rossiya—O‘zbekiston munosabatlarining rivojiga bag‘ishlangan press-brifing o‘tkazdi.
Tadbirda “Ingosstrax” bosh direktori Mixail Volkov, tashqi aloqalar bo‘yicha bosh director Ilya Solomatin hamda “Ingo Uzbekistan” bosh direktori Baxtiyor G‘aybullayev ishtirok etdi.
2018-yil yakunlariga ko‘ra, bozor sug‘urta mukofotlari hajmi 1,6 trillion so‘mni (200 million dollar atrofida), to‘lab berilgan sug‘urta badallari hajmi 460,8 milliard so‘mni tashkil etdi.
Umumiy sug‘urta sohasidagi mukofotlar hajmi 1,2 trillion so‘m (150 million dollar atrofida)ni tashkil etdi. Bu esa o‘tgan yilgi ko‘rsatkichlardan 54,4 foizga ko‘proqdir.
Hayotni sug‘urtalash yo‘nalishida mukofot yig‘imi uch martaga ortib 0,4 trillion so‘mni (50 million dollar atrofida) tashkil etgan.
2018-yilning yakunlariga ko‘ra “Ingo Uzbekistan” sug‘urta mukofoti yig‘imini 24,5 foizga oshirib, 27,8 milliard so‘mga yetkazdi. To‘lovlar hajmi esa 3,1 milliard so‘mni tashkil etib, 105,5 foizga oshirildi.
Kompaniya sayohat qiluvchilarni sug‘urtalash yo‘nalishida yetakchi hisoblanadi va javobgarlikni sug‘urtalash, transport vositalarini ixtiyoriy kompleks sug‘urtalash va mulkni sug‘urtalash bo‘yicha yetakchi sug‘urta kompaniyalari ro‘yxatiga kirgan.
Kompaniya sug‘urta zaxiralari hajmi 27,2 milliard so‘mni tashkil etdi (49 foizga o‘sish), kompaniya aktivlari hajmi 59 milliard dollarni tashkil etadi ( 28 foizga o‘sish)
Tadbir ishtirokchilari shuningdek o‘zbekistonlik mehnat muhojirlarining Rossiya, Qozog‘iston va Qirg‘iziston hududida sug‘urtaviy himoyasini ta’minlash bo‘yicha ijtimoiy loyiha ishga tushirilishini ham ma’lum qildi. Sug‘urta polisi muhojirlar to‘satdan kasallanganda yoki baxtsiz hodisaga (jarohat olish, kuyish, ish jarayonidagi boshqa holatlar) duch kelganida barcha xarajatlarni qoplash imkonini beradi. Javobgarlik limiti 10 ming AQSh dollarini tashkil etadi. Polis birinchi tibbiy-sanitar yordam ko‘rsatish, stomatologik yordam, evakuatsiya va sug‘urtalangan shaxsni qutqarish, shuningdek muhojir vafot etgan taqdirda uning jasadini yaqinlariga yuborish xarajatlarini qoplaydi.
Shartnoma 90 kunlik muddatga tuzilishi mumkin.
“Biz mehnat muhojirlarini qo‘llab-quvvatlashga qaratilgan ijtimoiy loyihani ishga tushirganimizni e’lon qilishdan mamnunmiz. Sug‘urtalashning taklif etilayotgan mexanizmi tibbiy yordam olishni kafolatlash va xorijiy mamlakat hududida baxtsiz hodisaga uchragan vatandoshlarimiz manfaatini himoya qilish imkonini beradi”, — deydi “Ingo-Uzbekistan” bosh direktori Baxtiyor G‘aybullayev.
Bundan tashqari, “Ingo Uzbekistan” avtotransport vositalari egalarining fuqarolik javobgarligi majburiy sug‘urtasi sohasida ham ishlay boshlaganini ma’lum qildi.
2019-yilning yanvar-fevral oylarida sinov tarzida ishga tushirilishi doirasida 16,2 milliard so‘mlik tegishli javobgarlik limiti bilan1,3 mingta avtotransport vositalari egalarining fuqarolik javobgarligi majburiy sug‘urtasi polislari rasmiylashtirilgan.
“Ingo-Uzbekistan” sug‘urta aksionerlik kompaniyasi 2008-yilda uning aksionerlari Rossiyaning “Ingosstrax‘ sug‘urta kompaniyasi tarkibiga kirganidan so‘ng faoliyat yurita boshladi.
Reklama huquqi asosida.
Izoh (0)