Тошкент шаҳрида 28—29 март куни ўтказилган МДҲ — иштирокчи давлатларининг Халқаро молия-банк форуми доирасида «Ingosstrax» ва «INGO-Uzbekistan» суғурта соҳасидаги Россия—Ўзбекистон муносабатларининг ривожига бағишланган пресс-брифинг ўтказди.
Тадбирда «Ингосстрах» бош директори Михаил Волков, ташқи алоқалар бўйича бош диреcтор Илья Соломатин ҳамда «INGO-Uzbekistan» бош директори Бахтиёр Ғайбуллаев иштирок этди.
2018 йил якунларига кўра, бозор суғурта мукофотлари ҳажми 1,6 триллион сўмни (200 миллион доллар атрофида), тўлаб берилган суғурта бадаллари ҳажми 460,8 миллиард сўмни ташкил этди.
Умумий суғурта соҳасидаги мукофотлар ҳажми 1,2 триллион сўм (150 миллион доллар атрофида)ни ташкил этди. Бу эса ўтган йилги кўрсаткичлардан 54,4 фоизга кўпроқдир.
Ҳаётни суғурталаш йўналишида мукофот йиғими уч мартага ортиб 0,4 триллион сўмни (50 миллион доллар атрофида) ташкил этган.
2018 йилнинг якунларига кўра «INGO Uzbekistan» суғурта мукофоти йиғимини 24,5 фоизга ошириб, 27,8 миллиард сўмга етказди. Тўловлар ҳажми эса 3,1 миллиард сўмни ташкил этиб, 105,5 фоизга оширилди.
Компания саёҳат қилувчиларни суғурталаш йўналишида етакчи ҳисобланади ва жавобгарликни суғурталаш, транспорт воситаларини ихтиёрий комплекс суғурталаш ва мулкни суғурталаш бўйича етакчи суғурта компаниялари рўйхатига кирган.
Компания суғурта захиралари ҳажми 27,2 миллиард сўмни ташкил этди (49 фоизга ўсиш), компания активлари ҳажми 59 миллиард долларни ташкил этади ( 28 фоизга ўсиш)
Тадбир иштирокчилари шунингдек ўзбекистонлик меҳнат муҳожирларининг Россия, Қозоғистон ва Қирғизистон ҳудудида суғуртавий ҳимоясини таъминлаш бўйича ижтимоий лойиҳа ишга туширилишини ҳам маълум қилди. Суғурта полиси муҳожирлар тўсатдан касалланганда ёки бахтсиз ҳодисага (жароҳат олиш, куйиш, иш жараёнидаги бошқа ҳолатлар) дуч келганида барча харажатларни қоплаш имконини беради. Жавобгарлик лимити 10 минг АҚШ долларини ташкил этади. Полис биринчи тиббий-санитар ёрдам кўрсатиш, стоматологик ёрдам, эвакуация ва суғурталанган шахсни қутқариш, шунингдек муҳожир вафот этган тақдирда унинг жасадини яқинларига юбориш харажатларини қоплайди.
Шартнома 90 кунлик муддатга тузилиши мумкин.
«Биз меҳнат муҳожирларини қўллаб-қувватлашга қаратилган ижтимоий лойиҳани ишга туширганимизни эълон қилишдан мамнунмиз. Суғурталашнинг таклиф этилаётган механизми тиббий ёрдам олишни кафолатлаш ва хорижий мамлакат ҳудудида бахтсиз ҳодисага учраган ватандошларимиз манфаатини ҳимоя қилиш имконини беради», — дейди «INGO-Uzbekistan» бош директори Бахтиёр Ғайбуллаев.
Бундан ташқари, «INGO-Uzbekistan» автотранспорт воситалари эгаларининг фуқаролик жавобгарлиги мажбурий суғуртаси соҳасида ҳам ишлай бошлаганини маълум қилди.
2019 йилнинг январь февраль ойларида синов тарзида ишга туширилиши доирасида 16,2 миллиард сўмлик тегишли жавобгарлик лимити билан1,3 мингта автотранспорт воситалари эгаларининг фуқаролик жавобгарлиги мажбурий суғуртаси полислари расмийлаштирилган.
«INGO-Uzbekistan» суғурта акционерлик компанияси 2008 йилда унинг акционерлари Россиянинг «Ingosstrax суғурта компанияси таркибига кирганидан сўнг фаолият юрита бошлади.
Реклама ҳуқуқи асосида.
Изоҳ (0)