Namangan viloyati IIB 6-son jazoni ijro etish koloniyasida rus tili, payvandlash, elektronika va elektrotexnika kabi yo‘nalishlarda to‘garaklar faoliyati yo‘lga qo‘yildi. Bu haqda “Daryo”ga Yoshlar ittifoqi viloyat kengashi matbuot xizmati ma’lum qildi.
Pop tumanidagi ushbu muassasada “Hech kim e’tibordan chetda qolmaydi!” shiori ostida to‘garaklarning ochilish marosimi o‘tkazildi. Birinchi bosqichda ularga 120 nafar mahkum jalb qilinadi.
Endilikda haftada 3 kun muntazam ravishda mahkumlar yuqoridagi yo‘nalishlar bo‘yicha bepul o‘quv mashg‘ulotlarida ishtirok etadi.
Ma’lumot uchun, O‘zbekiston yoshlar ittifoqi Markaziy kengashi ijroiya qo‘mitasi qarori hamda “Respublika yoshlar markazi” va Jazoni ijro etish bosh boshqarmasi bilan tuzilgan qo‘shma qaror asosida joylardagi jazoni o‘tash muassasalarida shunday to‘garaklar faoliyati yo‘lga qo‘yilmoqda.
Izoh (0)