Наманган вилояти ИИБ 6-сон жазони ижро этиш колониясида рус тили, пайвандлаш, электроника ва электротехника каби йўналишларда тўгараклар фаолияти йўлга қўйилди. Бу ҳақда «Дарё»га Ёшлар иттифоқи вилоят кенгаши матбуот хизмати маълум қилди.
Поп туманидаги ушбу муассасада «Ҳеч ким эътибордан четда қолмайди!» шиори остида тўгаракларнинг очилиш маросими ўтказилди. Биринчи босқичда уларга 120 нафар маҳкум жалб қилинади.
Эндиликда ҳафтада 3 кун мунтазам равишда маҳкумлар юқоридаги йўналишлар бўйича бепул ўқув машғулотларида иштирок этади.
Маълумот учун, Ўзбекистон ёшлар иттифоқи Марказий кенгаши ижроия қўмитаси қарори ҳамда «Республика ёшлар маркази» ва Жазони ижро этиш бош бошқармаси билан тузилган қўшма қарор асосида жойлардаги жазони ўташ муассасаларида шундай тўгараклар фаолияти йўлга қўйилмоқда.
Изоҳ (0)