21-mart kuni Los-Anjeles aholisi osmonda nur sochuvchi g‘ayritabiiy obyektni kuzatdi, deb yozadi National Geographic.
Xabarda aytilishicha, ko‘rinishidan meteorga o‘xshagan, biroq unga xos bo‘lmagan ravishda manyovr bilan harakat qilgan. Obyekt binolar oldidan uchib o‘tib, o‘z yo‘nalishini o‘zgartirgan.
Mahalliy aholi orasida bu NUJ bo‘lishi mumkinligi haqida mish-mishlar tarqalgan. Ayrimlar esa bu SpaceX kompaniyasining yana bir loyihalaridan biri deb taxmin qilgan. Politsiya departamenti esa yangi film suratga olinayotganini aytib, bu mish-mishlarni rad etgan.
Keyinchalik, bu noma’lum obyekt 1220 metr balandlikda oyoqlariga feyerverk biriktirib, ving-syut (qanotli kostyum)da parvoz qilgan ekstremal ekanligi aniqlangan. Shu kuni kechasi to‘lin oy bo‘lgan va aksiya oldindan rejalashtirilgan.
Tryukni amalga oshirgach, sportchilar parashyut yordamida shahar ko‘chasida yerda qo‘ngan.
Xuddi shunday aksiya besh yil avval Chikagoda ham o‘tkazilgan.
What is this flying item on fire above downtown Los Angeles? pic.twitter.com/3tUu0jKL8L
— dennis hegstad (@dennishegstad) March 21, 2019
Izoh (0)