Лос-Анжелес осмонида «метеор-одам» пайдо бўлди (видео)

21 март куни Лос-Анжелес аҳолиси осмонда нур сочувчи ғайритабиий объектни кузатди, деб ёзади National Geographic.

Хабарда айтилишича, кўринишидан метеорга ўхшаган, бироқ унга хос бўлмаган равишда манёвр билан ҳаракат қилган. Объект бинолар олдидан учиб ўтиб, ўз йўналишини ўзгартирган.

Маҳаллий аҳоли орасида бу НУЖ бўлиши мумкинлиги ҳақида миш-мишлар тарқалган. Айримлар эса бу SpaceX компаниясининг яна бир лойиҳаларидан бири деб тахмин қилган. Полиция департаменти эса янги фильм суратга олинаётганини айтиб, бу миш-мишларни рад этган.

Кейинчалик, бу номаълум объект 1220 метр баландликда оёқларига феерверк бириктириб, винг-сьют (қанотли костюм)да парвоз қилган экстремал эканлиги аниқланган. Шу куни кечаси тўлин ой бўлган ва акция олдиндан режалаштирилган.

Трюкни амалга оширгач, спортчилар парашют ёрдамида шаҳар кўчасида ерда қўнган.

Худди шундай акция беш йил аввал Чикагода ҳам ўтказилган.

What is this flying item on fire above downtown Los Angeles? pic.twitter.com/3tUu0jKL8L

— dennis hegstad (@dennishegstad) March 21, 2019