Britaniyalik Devid Rouz Angliya bosh vaziri Uinston Cherchillga tegishli bo‘lgan silindr, sigara va qutini chiqindixonadan topgani haqida “AfishaDaily” xabar beradi.
Rouz Buyuk Britaniya aholisining antikvar buyumlari baholanadigan Antiques Roadshow teleko‘rsatuvi efirida o‘zining g‘aroyib topilmasi haqida so‘zlab bergan.
Cherchillning shaxsiy narsalaridan tashqari, u siyosatchining shaxsiy oshpazi tomonidan onasiga yozilgan 200 ta maktubini topgan. Maktublarda ayol bosh vazirning kundalik hayoti haqida batafsil so‘zlab bergan.
Taxminlarga ko‘ra, topilgan buyumlar Cherchillning ayolga sovg‘asi bo‘lgan. Topilmalar orasida u tomonidan dastxat qo‘yilgan surat ham bor. Buyumlarning haqqoniyligini mutaxassislar tasdiqlagan hamda 10 000 funt sterlingga baholagan.
Shu bilan birga, Rouz chiqindixonaning qayerdaligini aniq aytishdan bosh tortgan. U yerda Rouz 15 yildan ortiq vaqt mobaynida faoliyat olib boradi.
Izoh (0)