Hindistonning Dxarvad shahrida (Karnataka shtati) to‘rt qavatli bino qulab tushdi, 90 dan ortiq kishi vayronalar ostida qoldi. Bu haqda Chauthi Duniya mahalliy axborot agentligi xabar beradi. Halokat joyidan olingan videotasvir Twitter’da chop etildi.
Manbaning xabariga ko‘ra, bino to‘liq bitmagan, unda qurilish ishlari davom etayotgan bo‘lgan. Qurilish obyektida ishlayotgan 150 kishining ko‘pchiligi qulagan bino tagida qolgan. Ikki kishining o‘limi tasdiqlangan, o‘nlab odam kasalxonaga yotqizilgan.
Halokat joyida shifokorlar tibbiy yordam ko‘rsatgan, mahalliy aholi omon qolganlarni qidirishga ko‘maklashmoqda. Vayronalar maxsus texnikalar yordamida tozalangan. Bundan tashqari, qo‘shni binolarda ham yoriqlar paydo bo‘lgan, ulardan odamlar chiqarilgan.
International Business Times gazetasining xabariga ko‘ra, qulab tushgan binoning qurilishi tugallanmaganligiga qaramay, dastlabki ikki qavati allaqachon ijaraga berilgan.
Izoh (0)