Islombek Isomiddinov Samariddin o‘g‘li 2016-yil 13-fevral kuni Samarqand viloyati Kattaqo‘rg‘on tumani Qo‘shhovuz qishlog‘ida tug‘ilgan.
U oqqon kasalining OML og‘ir turiga chalingan. 2018-yilning oktabr oyida sog‘ligi yomonlashib, tuman shifoxonasida davolangan. Ahvoli yaxshilanavermagach, Samarqand shahridagi Respublika shifoxonasiga yotqizildi. U yerda tibbiy ko‘rikdan o‘tib, tekshiruvlar natijasida Islombek oqqon kasaliga chalingani aniqlandi. So‘ng Toshkentdagi Gematologiya va qon quyish ilmiy tekshirish institutiga yo‘llanma bilan yotqizildi.
Islombek olti oydan beri oqqon bilan kurashmoqda. Shu vaqt mobaynida 5 marotaba kimyoterapiya muolajasini oldi. U chekayotgan dard va iztirob, ota-onasini yuragini kemirayotgan g‘am-qayg‘u yolg‘iz Yaratganga va ularning o‘zlarigagina ayon. Bu kunni hech kimning boshiga solmasin ekan. Davlating tog‘dek bo‘lsa ham hech narsa bo‘lmay qolarkan. Poytaxtda yashab, davolanib, kunlik dori-darmonu boshqa xarajatlar katta miqdorda pul talab qilarkan. Ota-onasi farzandining sog‘ligi uchun bor-budini sotib tugatdi. Bugan ular moddiy ko‘makka muhtoj bo‘lib qoldi.
Shifokorlarning aytishicha, endi Islombekda ilik ko‘chirish amaliyotini o‘tkazish kerak. Buning uchun katta miqdorda mablag‘ zarur. Hozir uning ota-onasi Rossiya, Hindiston va turkiyalik mutaxassislar bilan maslahatlashayapti. Qaysi biri sog‘ayib ketishiga kafolat bersa, shu yerga borib davolanmoqchi.
Saxovatpesha xalqimiz o‘zganing dardiga befarq qaramaydi. Azizlar, imkoningiz boricha, qo‘lingizdan kelganicha Islombekka moddiy tomonlama ko‘mak bering. Ezgu duolaringiz va moddiy ko‘magingizni undan ayamang.
Xayriya qilmoqchi bo‘lganlarga kerakli ma’lumotlar:
Plastik karta orqali:
8600 0609 0066 1688 (Xalq banki)
8600 0417 6304 2992 (Agro bank)
Ra’no Vohidova nomiga ochilgan ikkala plastik karta ham +99897 433-58-43 raqamiga ulangan.
Islombekning onasi Ra’no Vohidovaning telefon raqami: +99897 919-84-24.
Izoh (0)