Yunonistondagi Afina Milliy Universitetining mutaxassislari guruhi nonushta va yurak sog‘ligi o‘rtasidagi bog‘liqlikni topdi, deya xabar beradi “Korrespondent”.
Olimlar tadqiqot uchun Yunonistonning Korinf shahrining 40 dan 99 yoshgacha bo‘lgan ikki mingdan ortiq aholisini jalb qildi. Ishtirokchilar o‘zlarining turmush tarzi haqida so‘zlab, zarur tahlillardan o‘tgan.
Aniqlanishicha, muntazam nonushta qilish qon tomirlarida yog‘ ajralish xavfini kamaytiradi va ularni yanada moslashuvchan qiladi. Muntazam ravishda nonushta tanovvul qilmaydigan odamlarda arteriyalarning qattiqligi 15 foizga oshadi.
Shuningdek, yurakning salomatligiga televizor ko‘p ko‘rish ham salbiy ta’sir qiladi. Haftada 21 soatdan ziyodroq televizor ko‘rish qon bosimi oshishini 68 foizga va diabet rivojlanishini 50 foizga oshiradi.
Qayd etilishicha, uy ishlariga minimal ravishda ham energiya ajratish ham salomatlikka ijobiy ta’sir ko‘rsatadi.
Izoh (0)