8-mart, juma kuni futbol bo‘yicha Italiya chempionatining 27-tur bahslari boshlanadi.
Turning dastlabki o‘yinida musobaqa jadvalida yetakchilik qilayotgan Turinning “Yuventus” klubi “Udineze”ga qarshi maydonga chiqadi. Uchrashuv Toshkent vaqti bilan tungi soat 00:30 da boshlanadi. Eslatib o‘tamiz, Massimiliano Allegri shogirdlari so‘nggi turda Karlo Anchelotti qo‘l ostidagi “Napoli” klubini kichik hisobda mag‘lubiyatga uchratgandi (2:1).
9-mart, shanba kuni Jennaro Gattuzo boshliq “Milan” jamoasi mehmonda “Kyevo” bilan bahsga kirishadi. Bellashuvga tungi soat 00:30 da start beriladi.
10-mart, yakshanba kuni Milanning “Inter” klubi o‘z maydonida SPALni sinovdan o‘tkazadi. O‘yin 19:00 da boshlanishi belgilangan.Musobaqa jadvalida 2-o‘rinda borayotgan “Napoli” klubi “Sassuolo” maydoniga safar qiladi. Uchrashuv 22:00 da boshanadi. Ayni damda neapolliklarda 56 ochko mavjud.
Turning so‘nggi uchrashuvida Rimning “Roma” klubi o‘z maydonida “Empoli” bilan jang qiladi. Ma’lumot uchun, rimliklar Chempionlar Ligasining nimchorak finalida Portugaliyaning “Portu” klubiga umumiy 3:4 hisobida mag‘lub bo‘lib, musobaqa bilan xayrlashgandi. Shundan so‘ng “Roma” jamoasi bosh murabbiyi Eusebio Di Franchesko iste’foga chiqarildi.
26-turdan so‘ng musobaqa jadvalidagi holat
A Seriya
27-tur bahslari
8-mart, juma
“Yuventus”—“Udineze” 00:30
9-mart, shanba“Parma”—“Jenoa” 22:00
“Kyevo”—“Milan” 00:30
10-mart, yakshanba“Bolonya”—“Kalyari” 16:30
“Frozinone”—“Torino” 19:00
“Inter”—SPAL 19:00
“Sampdoriya”—“Atalanta” 19:00
“Sassuolo”—“Napoli” 22:00
“Fiorentina”—“Latsio” 00:30
11-mart, dushanba“Roma”—“Empoli” 00:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)