“Tottenhem” 8 yil ichida ilk bor Yevropa Chempionlar Ligasi chorak finaliga chiqdi

5-mart, seshanba kuni Londonning “Tottenhem” klubi Chempionlar Ligasi 1/8 final javob o‘yinida “Borussiya D”ni safarda ham mag‘lub etdi (1:0).

Shu tariqa London klubi ikki o‘yin natijasiga ko‘ra, 4:0 hisobida g‘alaba qozonib, musobaqaning chorak finaliga chiqdi.

“Shporlar” 8 yil ichida ilk marta 1/4 finalga chiqdi. Jamoa 2010/11-yilgi mavsum mazkur bosqichda “Real”ga (0:4, 0:1) yutqazib, musobaqadan chiqib ketgandi.