8 март, жума куни футбол бўйича Италия чемпионатининг 27-тур баҳслари бошланади.
Турнинг дастлабки ўйинида мусобақа жадвалида етакчилик қилаётган Туриннинг «Ювентус» клуби «Удинезе»га қарши майдонга чиқади. Учрашув Тошкент вақти билан тунги соат 00:30 да бошланади. Эслатиб ўтамиз, Массимилиано Аллегри шогирдлари сўнгги турда Карло Анчелотти қўл остидаги «Наполи» клубини кичик ҳисобда мағлубиятга учратганди (2:1).
9 март, шанба куни Женнаро Гаттузо бошлиқ «Милан» жамоаси меҳмонда «Кьево» билан баҳсга киришади. Беллашувга тунги соат 00:30 да старт берилади.
10 март, якшанба куни Миланнинг «Интер» клуби ўз майдонида СПАЛни синовдан ўтказади. Ўйин 19:00 да бошланиши белгиланган.Мусобақа жадвалида 2-ўринда бораётган «Наполи» клуби «Сассуоло» майдонига сафар қилади. Учрашув 22:00 да бошанади. Айни дамда неаполликларда 56 очко мавжуд.
Турнинг сўнгги учрашувида Римнинг «Рома» клуби ўз майдонида «Эмполи» билан жанг қилади. Маълумот учун, римликлар Чемпионлар Лигасининг нимчорак финалида Португалиянинг «Порту» клубига умумий 3:4 ҳисобида мағлуб бўлиб, мусобақа билан хайрлашганди. Шундан сўнг «Рома» жамоаси бош мураббийи Эусебио Ди Франческо истеъфога чиқарилди.
26-турдан сўнг мусобақа жадвалидаги ҳолат
А Серия
27-тур баҳслари
8 март, жума
«Ювентус»—«Удинезе» 00:30
9 март, шанба«Парма»—«Женоа» 22:00
«Кьево»—«Милан» 00:30
10 март, якшанба«Болонья»—«Кальяри» 16:30
«Фрозиноне»—«Торино» 19:00
«Интер»—СПАЛ 19:00
«Сампдория»—«Аталанта» 19:00
«Сассуоло»—«Наполи» 22:00
«Фиорентина»—«Лацио» 00:30
11 март, душанба«Рома»—«Эмполи» 00:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)