Vazirlar Mahkamasining fuqarolarning vijdon erkinligi va diniy e’tiqodga bo‘lgan konstitutsiyaviy huquqlarini to‘liq ta’minlash, “Haj” va “Umra” tadbirlarini tashkil etish va o‘tkazish bilan bog‘liq ishlarning samaradorligini yanada oshirish, ziyoratlarni yuqori saviyada va tizimli tashkil etish hamda ushbu yo‘nalishda bozor mexanizmlarini joriy etish maqsadida farmoyishi qabul qilindi. Bu haqda “Kun.uz” xabar bermoqda.
Hujjatda qayd etilishicha, “Haj” ziyoratiga boruvchilar ro‘yxatini shakllantirishning amaldagi tartibi to‘liq saqlab qolingan holda, uni yanada takomillashtirish bo‘yicha takliflar ishlab chiqiladi.
Bu boradagi ishlarni amalga oshirish muddati — 2019-yil iyun, mas’ullar - Din ishlari bo‘yicha qo‘mita, O‘zbekiston musulmonlari idorasi.
Shuningdek, hujjat bilan “Haj” kvotasini 2020-yildan bosqichma-bosqich oshirib borish bo‘yicha taklif ishlab chiqiladi.
Amalga oshirish muddati — 2019-yil noyabr. Mas’ullar - Din ishlari bo‘yicha qo‘mita, O‘zbekiston musulmonlari idorasi.
Izoh (0)