Guliston shahrilik tadbirkor Dilfuza Mansurova mamlakat bo‘ylab xayriya tadbirlari o‘tkazmoqda, deb yozadi “Xalq so‘zi”. Saxovatli ayol ushbu niyatini amalga oshirishni yanvar oyida Qoraqalpog‘iston Respublikasida boshlagan edi.
Bugun esa Samarqand shahridagi 2-tug‘ruqxonada bo‘lib, 15 nafar kam ta’minlangan oila bekalariga chaqaloqlar kiyimi to‘plamlarini tuhfa qildi.
Dilfuza Mansurova ayni chog‘da Jizzax viloyatiga yo‘l olganligini ma’lum qildi. Aytishicha, endi G‘allaoroldagi tug‘ruqxonada ham ana shu xayrli ishini amalga oshiradi.
Ma’lumot uchun, Dilfuza Mansurova boshliq jamoa chaqaloqlar to‘plami (xalq tilida “konvert”) hamda bolalar kiyimlari ishlab chiqarish faoliyati bilan shug‘ullanadi. U ko‘pdan buyon ijtimoiy himoyaga ehtiyojmand oilalarga, ayollarga baholi qudrat yordam berib kelmoqda. Jamoa a’zolarining aytishicha, Dilfuza odamlarga yaxshilik qilishni hayotining mazmuni deb biladi. Ammo ularning ham tasdiqlashicha, saxovatli ayolning o‘zi ijara uyda istiqomat qilar ekan.
Izoh (0)