Sirdaryo viloyatida o‘zgalarga tegishli 7 million so‘m va boshqa buyumlarni talonchilik yo‘li bilan o‘zlashtirgan fuqaro qo‘lga olindi. Bu haqda viloyat IIB matbuot xizmati xabar berdi.
17-fevral kuni Sirdaryo tumani IIBga ariza bilan Navoiy MFYda yashovchi D.N. (ismi va shariflari o‘zgartirilgan) murojaat qilib, 2019-yil 17-fevral kuni soat 04:00 larda Sirdaryo tumani Tadbirkor MFY hududidan o‘tgan M-34 avtoyo‘lining 96-kilometrida Termiz—Toshkent yo‘nalishida yo‘l chetida o‘ziga tegishli Damas rusumli avtomashinasida tanishi A.L. hamda ukasi O.T lar bilan uxlab yotgan vaqtida, noma’lum shaxslar avtomashina chap orqa yon oynasini asfalt bo‘lagi bilan urib sindirib, o‘rindiq ustida turgan tanishi A.L.ga tegishli qora rangli sumkasini ichida bo‘lgan 2 473 000 so‘m pullarini, fuqarolik pasportini, 1 dona narxi 500 000 so‘mlik qora rangli “Vertu” rusumli uyali aloqa telefon apparatini, yashash uyining 1 dona kalitini hamda ukasi O.T ga tegishli jigarrang sumkasini ichida bo‘lgan 1 000 000 so‘m pullarini, hisobida 3 000 000 so‘m puli bo‘lgan “Ipak yo‘li” bankining plastik kartasini va 2 dona qarz daftarlarini ochiqdan-ochiq talon-taroj qilishganliklarini ma’lum qilgan.
Sirdaryo viloyati IIB JQB tomonidan olib borilgan tezkor surishtiruv harakatlari davomida mazkur jinoyatni U.F sodir etganligi aniqlanib, daliliy ashyo olingan. 2019-yil 17-fevral kuni Sirdaryo tumani IIB TB tomonidan U.F ga nisbatan JKning 166-moddasi (talonchilik) 2-qismi “v” bandi va 227-m 2-qismi “a” bandi bilan jinoyat ishi qo‘zg‘atilgan.
Hozirda tergov harakatlari olib borilmoqda.
Izoh (0)