28-fevralning e’tiborga molik yangiliklari — “Daryo” dayjestida.
Shavkat Mirziyoyev hududlarni kompleks rivojlantirish bo‘yicha olib borilayotgan ishlar bilan tanishish, yangi loyihalarni belgilash maqsadida 28-fevral kuni Namangan viloyatiga jo‘nab ketdi.
Davlat rahbari To‘raqo‘rg‘on issiqlik elektr stansiyasida amalga oshirilayotgan ishlar bilan tanishdi.
So‘ng Namanganda xalq bilan muloqotda bo‘ldi.
Shavkat Mirziyoyev To‘raqo‘rg‘on tumanidagi Axsikent arxeologik yodgorlik majmuasini borib ko‘rdi.
Shundan keyin To‘raqo‘rg‘ondagi eng zamonaviy sanoat korxonasida bo‘ldi.
***
28-fevral kuni Oliy Majlis Senatining o‘n sakkizinchi yalpi majlisi o‘z ishini boshladi.
Oliy Majlisi Senatining o‘n sakkizinchi yalpi majlisida ma’ruza qilgan Senat raisi Nig‘matilla Yo‘ldoshev maktab ta’limi tizimidagi kamchiliklarga to‘xtalib o‘tdi.
Oliy Majlis Senati yalpi majlisida “Hukumatni shakllantirish tartibi demokratlashtirish va uning mas’uliyati kuchaytirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida“gi qonun ma’qullandi.
Senat yalpi majlisida hukumat qarorlari bilan tasdiqlangan hududlarni kompleks rivojlantirish dasturlari ijrosi bilan bog‘liq qator muammolar borligi qayd etildi.
Senat yalpi majlisida “O‘zbekiston Respublikasining ayrim qonun hujjatlariga jamoatchilik nazoratini kuchaytirishga qaratilgan o‘zgartish va qo‘shimchalar kiritish to‘g‘risida”gi qonun muhokama etildi va rad qilindi.
***
26-fevral kuni OAVda 8 oy mobaynida Seul shahri Novongu tumanidagi “Sanggi Pik Pionvon” shifoxonasida bo‘lib kelayotgan, 1996-yilda tug‘ilgan A.Oqilov to‘g‘risida xabarlar tarqaldi.
O‘zbekiston fuqarosi Abram Oqilov Janubiy Koreya klinikalaridan birida og‘ir ahvolda bo‘lib turgani to‘g‘risida xabarlar tarqalishi munosabati bilan TIV Konsullik-huquqiy departamenti ushbu masala mamlakatning Seul shahridagi elchixonasi doimiy nazorati ostida ekanligini ma’lum qildi.
Ushbu holat yuzasidan Bandlik va mehnat munosabatlari vazirligi ham axborot berdi.
***
24-fevral kuni Surxondaryo viloyati Termiz tumani Uchqizil shahrida erkak Termiz tumani hokimiyati binosi oldida o‘ziga o‘t qo‘yib yubordi.
Bosh prokuratura xabariga ko‘ra, fuqaro B.E.da tananing 15-20 % qismini I-II darajali alangadan termik kuyishi, yuqori haroratli alanga (olov) ta’sir mexanizmi natijasida yetkazilganligi, og‘irlik darajasiga ko‘ra “o‘rtacha” og‘irlikdagi tan jarohati deb baholangan.
***
Toshkentlik yigit Darxondagi 18 qavatli uydan o‘zini tashladi.
Toshkentda 23-fevral kuni yosh yigit Darxondagi 18 qavatli uyning 15-qavatidan o‘zini tashlab, o‘z joniga qasd qildi.
Yigit olgan jarohatlari oqibatida voqea joyida vafot etgan.
Izoh (0)