Turkmaniston prezidenti Gurbanguli Berdimuhammedov o‘zining oq tulpori — “Ruhibaland”ni davlat sirki guruhga berib yubordi, deb xabar berdi “TDX” agentligi.
Milliy ot o‘yinlarini namoyish etuvchi “Galkinish” guruhi 2007-yilda jahon bo‘ylab Turkman madaniyatini ommalashtirish maqsadida tashkil etilgan edi.
Taxmin qilinishicha, prezidentning tulpori endilikda xorijiy gastrollar va sirk san’atining xalqaro tanlovlariga olib boriladi.
Berdimuhammedov otni topshirish marosimida shaxsan ishtirok etmagan. Tulporning sirkka tortiq etilgani haqida e’lon qilingach, “Ruhibaland” ishtirokida sahna ko‘rinishi namoyish etilgan.
“Ruhibaland” 2017-yilda tug‘ilgan. O‘sha yili Turkmanistonda “Salomatlik va baland ruh” yili deb atalgan. Otning laqabi ham aynan yil nomidan olingan.
Izoh (0)