Qirg‘izistonlik fuqaro bozordan sotib olgan tuxum rezina bo‘lib chiqdi (video)

Qirg‘izistonning O‘sh shahrida istiqomat qiluvchi fuqaro bozorda qanday tuxum sotib olganligini namoyish qildi, deb yozadi Sputnik.

Qirg‘iziston fuqarosi pishgandan keyin tuxum sarig‘i “rezina” ekanligiga e’tibor qaratadi.

“Tuxum sarig‘i o‘rniga bu yerda rezina. Endi O‘shda Xitoy tuxumi paydo bo‘ldi. Bu tuxumga qarang. Ehtiyot bo‘ling”, — deb ogohlantiradi kishi.

Qirg‘iziston Reklama va iste’molchilar huquqlarini himoya qilish boshqarmasi boshlig‘i bu holat yuzasidan izoh berdi.

Uning so‘zlariga ko‘ra, mahsulot sifatiga shubha bo‘lsa, Qirg‘iziston antimonopoliya boshqaruv davlat agentligiga ariza bilan murojaat qilish zarur.

“Keyin Sanepidemnazoratga so‘rovnoma yuboramiz. Bu tashkilot mahsulot sifatini tekshiradi. Agar haqiqatda bunday bo‘lsa, “Qirg‘izstandart” bu mahsulot sifat standartini qanday olganligini o‘rganib chiqadi. Bojxona xizmati esa mahsulot qanday import qilingani va sotuvga tushganligini tekshiradi”, — dedi u.

Amaldorning fikriga ko‘ra, davlat organlari OAVlar xabarlariga e’tibor qaratishi mumkin. Biroq bu feyk emasligiga to‘liq ishonch hosil qilish kerak.

https://youtu.be/RfnRHRIMhSA