Туркманистон президенти Гурбангули Бердимуҳаммедов ўзининг оқ тулпори — «Руҳибаланд»ни давлат цирки гуруҳга бериб юборди, деб хабар берди «ТДХ» агентлиги.
Миллий от ўйинларини намойиш этувчи «Галкиниш» гуруҳи 2007 йилда жаҳон бўйлаб Туркман маданиятини оммалаштириш мақсадида ташкил этилган эди.
Тахмин қилинишича, президентнинг тулпори эндиликда хорижий гастроллар ва цирк санъатининг халқаро танловларига олиб борилади.
Бердимуҳаммедов отни топшириш маросимида шахсан иштирок этмаган. Тулпорнинг циркка тортиқ этилгани ҳақида эълон қилингач, «Руҳибаланд» иштирокида саҳна кўриниши намойиш этилган.
«Руҳибаланд» 2017 йилда туғилган. Ўша йили Туркманистонда «Саломатлик ва баланд руҳ» йили деб аталган. Отнинг лақаби ҳам айнан йил номидан олинган.
Изоҳ (0)