Janubiy Koreyalik ishlab chiqaruvchilar tajriba o‘tkazishga qaror qildi. Bu safar LG vakillari noyob texnologiyaga ega G8 ThinQ flagmanini namoyish etadi. Bu haqda “Hi-tech.mail.ru” xabar berdi.
Qayd etilishicha, kompaniya sensor boshqaruvdan voz kechishga qaror qilgan. LG muhandislari smartfon bilan ishlashning imo-ishoralarga asoslangan yangi usulini yaratgan.
Avvalroq “sizib chiqqan” ma’lumotlarga ko‘ra yanvar oxiridayoq ushbu smartfon dizayni qanday bo‘lishi ma’lum bo‘lgan edi. Unga ko‘ra, ekran atrofida ko‘pchilik ishlab chiqaruvchilar voz kechishga ulgurgan katta hoshiya hamda qosh bo‘lishi kutilmoqda.
Shuningdek, smartfon Snapdragon 855 protsessori va uch o‘lchamli skanerlash imkoniyatini beruvchi ToF datchigiga ega old kamera bilan jihozlanishi ma’lum.
Qolgan ma’lumotlar 25-fevral kuni o‘tkaziladigan MWC ko‘rgazmasida ma’lum bo‘ladi.
Izoh (0)