Davlat xavfsizlik xizmati raisi Ixtiyor Abdullayev salomatligi tufayli o‘z lavozimini tark etdi. Bu haqda hukumatdagi axborot manbasiga tayanib, “Gazeta.uz” xabar berdi.
Uning o‘rnini Mudofaa vaziri general-leytenant Abdusalom Azizov egalladi.
Toshkent harbiy okrugi qo‘mondoni Bahodir Qurbonov mudofaa vaziri etib tayinlandi.
Abdusalom Azizov (1960-yilda tug‘ilgan) 2017-yil sentabridan Mudofaa vazirligini boshqarib kelayotgan edi.
Ixtiyor Abdullayev 2018-yil 31-yanvar kuni DXXga rahbar bo‘ldi. 2015-yildan u O‘zbekiston bosh prokurori, 2009-yildan Prezidentning davlat maslahatchisi sifatida faoliyat ko‘rsatgan.
General-mayor Bahodir Qurbonov mudofaa vaziri etib tayinlangunga qadar 2018-yil fevralidan Toshkent shahri, poytaxt va Sirdaryo viloyatlari hududini o‘z ichiga olgan Toshkent harbiy okrugi qo‘shinlariga qo‘mondonlik qilgan.
Bunga qadar 2015-yil dekabridan IIBB rahbari sifatida faoliyat ko‘rsatgan.
Izoh (0)