O‘zbekistonda 9 ming 988 nafar hujjatsiz bola aniqlangan va ularning 7 ming 712 nafari hozirda shaxsni tasdiqlovchi hujjatga ega, deya xabar beradi O‘zA.
Qolganlari ko‘rib chiqilmoqda. O‘zbekiston Respublikasi Adliya vazirligi huzuridagi Davlat xizmatlari agentligidan ma’lum qilishlaricha, qonuniy nikohsiz yashab kelgan 10 ming 24 oilaning 6,5 mingga yaqini nikohi rasmiylashtirilgan, 75 ming 242 nafar aholiga o‘zboshimchalik bilan qurilgan imoratlarga egalik huquqi berilgan.
Fuqarolik holati dalolatnomalarini yozish (FHDYo) organlari tizimida o‘tkazilgan o‘rganishlar O‘zbekiston demografik statistikasida katta xatolar borligini ko‘rsatdi.
Chekka hududlarida istiqomat qilayotgan aholi hamon tug‘ilgan chaqaloqlarini ro‘yxatdan o‘tkazish, nikohni rasmiylashtirishga befarq qarab kelmoqda.
Qayd etilmagan hujjatlarning 90 foizga yaqini tug‘ilish va nikoh haqidagi guvohnomalar hissasiga to‘g‘ri kelgan.
Fuqarolik holatlari dalolatnomalari o‘z vaqtida qayd etilmaganligini aniqlash bo‘yicha o‘tkazilayotgan inventarizatsiya tadbirlari 2019-yil 1-iyulga qadar davom etadi.
Izoh (0)