5-fevral kuni Sankt-Peterburgning Kimyo-farmatsevtika davlat universiteti talabasi bo‘lgan o‘zbekistonlik 23 yoshli Boburbek Ochilov tomdan muz bo‘lagi tushishi oqibatida vafot etdi. Bu haqda “Fontanka.ru” xabar berdi.
Uning do‘sti va tengdoshi Bahrullo Umarov esa bir necha jarohatlar bilan Mariansk kasalxonasiga yotqizilgan.
Boburbek guruhdoshining aytishicha, u farmatsevt bo‘lish orzusida kafedrama kafedra yurib nazorat ishlari topshirib yurgan. Shunday kunlarning birida Aptekarskaya va Popova korpuslari orasidagi tomdan tushgan muz uning hayotiga nuqta qo‘ygan. Boburbek yonida uning do‘sti Bahrullo ham bo‘lgan.
Muz bo‘lagi tushgan Aptekarskaya prospektida joylashgan 6-bino universitet balansida bo‘lib, uning tomini tozalash ishlariga o‘quv yurti xodimlari javobgar.
Sodir bo‘lgan voqeadan so‘ng Sankt-Peterburg prokuraturasi Petrograddagi barcha federal muassasalar tomlarini tekshirishga qaror qilgan.
Izoh (0)