Tarixchilar yaqin tarixdagi eng boy odam Sahroi Kabir janubida yo‘qolgan Mali imperiyasining o‘rta asrlardagi hukmdori Mansa Muso bo‘lib chiqdi, deb xabar berdi “Azon.uz”.
Musoning portreti o‘rta asrlarga tegishli bo‘lgan, 1375-yilda Mayorka orolida yaratilgan “Katalan Atlas” qo‘lyozmasida saqlanadi. Hukmdor kartinaning markzida taxtda, oltin tojda va qo‘lida oltin tanga bilan tasvirlangan.
Ta’kidlanishicha, Mali imperiyasi juda katta tabiiy oltin zaxiralariga ega bo‘lib, uning qazib olinishi Muso tomonidan to‘liq nazorat qilingan. Uning davridagi oltinlar sofligi jihtidan katta qimmatga ega bo‘lgan. XIV asrning asosiy valyutasi bo‘lgan dinorlar muomaladan olib tashlandi. Hukmdor oltin narxini yakka tartibda boshqarishi mumkin edi. Bundan tashqari, u tuz sotib olish va sotishdan ham katta daromad olardi.
Muso islomni tanitdi va 1324—1325-yillarda Makka shahriga borib, haj amallarini bajardi. Yo‘l-yo‘lakay u kambag‘allarga juda katta miqdorda qimmatbaho oltin tangalar tarqatib, oltinni bir qadar qadrsizlanishiga ham sabab bo‘ldi.
Mutaxassislarning aytishicha, bu tarixiy dalil Afrikani qashshoq va qoloq qit’a sifatida tanitgan qarashlarni butunlay o‘zgartirib yuboradi. Vaholanki, o‘rta asrlarda qit’aning ba’zi imperiyalari nafaqat boylik, balki madaniyat borasida ham kuchli va qudratli edi.
Izoh (0)