Milliy matbuot markazida O‘zbekiston Jurnalistlari ijodiy uyushmasi qoshidagi Jurnalist ayollar kengashining “Xotin-qizlar murojaati: tahlil va muammolar” mavzuida yig‘ilishi bo‘lib o‘tdi. Bu haqda O‘zA xabar bermoqda.
O‘zbekiston Xotin-qizlar qo‘mitasining 2018-yilda tashkil etilgan ishonch telefonlariga shu kungacha 12 mingdan ziyod murojaat kelib tushgan. Bundan tashqari, joylarda 150 dan ortiq Ijtimoiy moslashuv markazi faoliyati yo‘lga qo‘yilgan. Qo‘mita va markazlarga bo‘layotgan murojaatlarga tezkorlik bilan javob berish va yechim topish choralari ko‘rilayotir.
Xo‘sh, bugungi kunda xotin-qizlar ko‘proq qaysi yo‘nalishlarda yordam so‘rayapti?
Xotin-qizlar qo‘mitasi bergan ma’lumotlarga ko‘ra, 2018-yilda birgina qo‘mitaning o‘ziga 7 ming 200 dan ortiq murojaat bo‘lgan. Ularning aksariyati uy-joy masalasida kelib tushgan. Ya’ni tor, kam xonali uylarda ko‘p oilalarning istiqomat qilayotgani bois uy-joy olish yuzasidan murojaat qilgan. Shuningdek, uy-joyga egalik huquqi, o‘z uyida ro‘yxatda bo‘lmaslik kabi oilaviy nizolar sabab kelib chiqqan muammolar ham bor. O‘z haq-huquqi poymol etilayotganini bilsa ham bunga ko‘nadigan xotin-qizlar ko‘pchilikni tashkil etadi. Xotin-qizlar huquqini himoyalash, tiklash yuzasidan ko‘rilayotgan choralarga qaramay salbiy holatlarni hali-hamon bartaraf etib bo‘lmayapti.
Tadbir davomida oilaviy ajrimlarga sabab bo‘layotgan xotin-qizlarga qat’iy jazo berish taklifi ham bildirildi.
Uchinchi shaxs aralashuvi ortidan kelib chiqayotgan turli muammolar yuzasidan ham fikrlashildi.
Izoh (0)