2019-yil 1-fevraldan O‘zbekiston qonunchiligida nimalar o‘zgaradi? “Huquqiy axborot” kanali ushbu savolga javob bergan.
Bugundan boshlab Xalq qabulxonalari muammolarni uyma-uy yurish orqali aniqlaydi va hal qiladi, davlat organlarining aholi bilan bevosita ishlashini nazarda tutuvchi yangi tizim joriy qilinadi;
45 ta mamlakatning fuqarolari uchun 30 kunlik muddatga vizasiz rejim belgilash haqidagi norma kuchga kirdi. Bundan tashqari, 76 ta mamlakat fuqarolari bugundan boshlab elektron kirish vizasini olish imkoniyatiga ega;
Toshkent shahrining barcha tumanlarida tuman (shahar) prokurorlari rahbarligida jamoatchilik asosida faoliyat yuritadigan, jinoyatchilik sodir etilishi sabablarini tizimli tahlil qiladigan ekspert-tahlil guruhlarining faoliyati yo‘lga qo‘yiladi;
Ko‘chmas mulkka bo‘lgan mulk huquqining vujudga kelishi, bekor bo‘lishi, shuningdek ular bilan bog‘liq bitimlar haqidagi axborot almashinuvi imkoniyatini beruvchi axborot-dasturiy kompleksi ishga tushiriladi;
Davlat bojxona qo‘mitasining Toshkent viloyati va Toshkent shahri bo‘yicha boshqarmalari, “Toshkent-AERO” ixtisoslashtirilgan bojxona kompleksining bojxona postlarida bepul asosda tashqi iqtisodiy faoliyat ishtirokchilariga bojxona yuk deklaratsiyasini to‘ldirish bo‘yicha xizmat ko‘rsatuvchi maxsus shaxslar guruhi — “front-ofislar” faoliyati yo‘lga qo‘yiladi.
Izoh (0)