Toshkent shahar hokimligi tomonidan ta’mirtalab bo‘lgan O‘zbekiston Milliy universiteti hamda talabalar shaharchasi hududlarida qurilish va obodonlashtirish ishlari boshlandi. Bu haqda hokimlik matbuot xizmati xabar berdi.
Unga ko‘ra, shaharsozlik talablariga javob beradigan, zamonaviy arxitekturaga mos piyodalar yo‘laklari, maxsus velosiped yo‘llari, avtomashinalar uchun esa 400 o‘rinli avtoturargohlar barpo etilmoqda.
Shuningdek, 5600 kv.metr avtomobil yo‘llari asfalt qilinib, avtomototransportlar qatnovi chegaralanadi. 11 ming kv.metrga yashil maysalar yotqiziladi.
Universitet rahbariyati tomonidan bino hududidagi himoya panjaralari ham olib tashlangan.
Xabarda aytilishicha, qurilish ishlari 15 kun muddatda yakunlanadi.
Izoh (0)