Normativ-huquqiy hujjatlar loyihalari muhokamasi portalida “Vazirlar Mahkamasining “Diniy mazmundagi materiallarni tayyorlash, olib kirish va tarqatish sohasidagi faoliyatni amalga oshirish tartibini takomillashtirish chora-tadbirlari to‘g‘risida” 2014-yil 20-yanvardagi 10-son qaroriga o‘zgartirish va qo‘shimchalar kiritish haqida”gi Vazirlar Mahkamasining qarori loyihasi joylashtirildi.
Hujjat bilan O‘zbekiston Respublikasi hududida diniy mazmundagi materiallarni tayyorlash, olib kirish va tarqatish faoliyatini amalga oshirish tartibi to‘g‘risidagi nizomning 18-bandi quyidagicha tahrir qilinishi mumkin:
Materiallarni quyidagi maqsadlarda tarqatishga yo‘l qo‘yilmaydi:
- jinsi, irqi, millati, tili, dini, ijtimoiy kelib chiqishi, e’tiqodi, shaxsiy yoki ijtimoiy mavqeiga qarab yoki boshqa holatlarga ko‘ra kamsitish yoxud o‘zga shaxslar mahsulotlarini obro‘sizlantirish;
- O‘zbekiston Respublikasining mavjud konstitutsiyaviy tuzumi, hududiy yaxlitligini zo‘rlik bilan o‘zgartirishga da’vat qilish;
- urush, zo‘ravonlik, terrorizm, shuningdek ekstremizm, separatizm va aqidaparastlik g‘oyalarini targ‘ib etish;
- milliy, irqiy, etnik yoki diniy adovat qo‘zg‘atuvchi axborotni tarqatish;
- diniy e’tiqodni o‘zgartirishga da’vat qilish;
- dindorlarning diniy tuyg‘ularini haqorat qilish yoki kamsitish;
- fuqarolarni o‘z konstitutsiyaviy majburiyatlarini bajarmaslikka chaqirish;
- davlat, jamoat yoki diniy tashkilotlarning huquqlari va mol-mulkiga tajovuz qilishga undash;
- giyohvandlik vositalari, ularning analoglari, psixotrop moddalar va prekursorlarni targ‘ib qilish;
- aholi o‘rtasida ixtilof, tushunmovchilik va ziddiyatlar keltirib chiqarish;
- qonunga muvofiq jinoiy va boshqa javobgarlikni keltirib chiqaruvchi
- xatti-harakatlarni amalga oshirishga undash.
Izoh (0)