5 nafar O‘zbekiston fuqarosining o‘limiga sabab bo‘lgan YTHni sodir etganlikda ayblanayotgan qozog‘istonlik avtobus haydovchisi Saratov viloyati sudi oldida javob beradi. Bu haqda “RIA Novosti” xabar bermoqda.
Buyurtma avtobus va yuk poyezdi 2018-yil 17-noyabrda Saratov viloyatining Ozinsk tumanidagi temir yo‘l kesishmasida to‘qnashdi. Hodisa oqibatida avtobusda bo‘lgan 7 kishidan 5 nafari — O‘zbekiston fuqarolari halok bo‘ldi. Qozog‘istonlik avtobus haydovchisi va uning sherigi og‘ir jarohatlandi.
Politsiya 61 yashar haydovchi temir yo‘l kesishmasida svetoforning man etuvchi signali va tovushli signalizatsiyaga rioya etmaganligini aniqladi va jinoiy ish qo‘zg‘adi. U 7 yilgacha bo‘lgan muddatga ozodlikdan mahrum etilishi mumkin.
Izoh (0)