Yaqin ikki yil ichida Amerikaning xususiy Orion Span kompaniyasi birinchi navbatda lyuks-mehmonxona bo‘ladigan orbitali stansiya qurishni rejalashtirmoqda, deya xabar beradi “Liga Novosti”.
Yerdan 320 kilometr balandlikda joylashgan mehmonxona Aurora Station orbital majmuasining modullaridan birida bo‘ladi.Stansiyaning muhrlangan qismlari hajmi qariyb 160 kub metrni tashkil qiladi.
Loyiha mualliflariga ko‘ra, har bir sayyoh koinotda 12 kun davomida yashashi uchun 9,5 million AQSh dollar to‘lashi lozim.Sayyohlarga vaznsizlik, Yerni kosmosdan kuzatish, ikki yuzga yaqin quyosh chiqishining guvohi bo‘lish, shuningdek, ayrim ilmiy tajribalarda ishtirok etish va’da qilinadi.
Stansiyaga borish uchun nomzod nafaqat pul to‘lashi, balki uch oylik tayyorlov kursini ham o‘tishi kerak.Orion Span Aurora stansiyasining bir qismini sotib olish uchun homiylar izlamoqda.
G‘oya mualliflari xususiy kosmik stansiya haqida ilk bor 2018-yilning mart oyida e’lon qilgan. Uning shaxsiy modullarini Xyustonda qurish rejalashtirilmoqda.
Izoh (0)