Bir qator kommunal xizmatlarining davlat ulushi Toshkent shahar hokimligiga o‘tkazildi

Toshkent shahridagi kommunal soha korxonalarining aktivlaridan samarali foydalanishga doir qo‘shimcha chora-tadbirlar to‘g‘risidagi Hukumat qarori qabul qilindi. Bu haqda “Huquqiy axborot” kanali xabar berdi.

Qarorga muvofiq, bir qator kommunal ta’mirlash-avariyani tiklash xizmatlarining davlat ulushlari bo‘lgan Toshkent shahar hokimligiga o‘tkazilgan.Xususan, “Sergeli tumani kommunal ta’mirlash-avariyani tiklash xizmati”, “Bektemir tumani kommunal ta’mirlash-avariyani tiklash xizmati”, “Mirzo-Ulug‘bek tumani kommunal ta’mirlash-avariyani tiklash xizmati”, “Chilonzor tumani kommunal ta’mirlash-avariyani tiklash xizmati” va “Yashnobod tumani kommunal ta’mirlash-avariyani tiklash xizmati” mas’uliyati cheklangan jamiyatlarning davlat ulushi endi poytaxt hokimligiga tegishli sanaladi.