2019-yil 15-yanvar kuni I.S. (ismli ayol) Farg‘ona shahar IIBga murojaat qilib, unda joriy yilning 12-yanvar kuni noma’lum shaxs “Juydam” MFY dala maydonida o‘rta maktabning yuqori sinfida tahsil oluvchi o‘g‘li va uning sinfdoshi S.X. (ismli qiz)larni kuch ishlatish yo‘li bilan qo‘rqitib, Samsung va iPhone rusumli mobil telefonlarini olib ketganligini ma’lum qilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Ko‘rilgan choralar natijasida ushbu jinoyatni Yangiasr ko‘chasida yashovchi J.O. ismli shaxs sodir etganligi aniqlanib, ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)